Tronditet futbolli i Kosovës, në prag të eliminatoreve të Europianit Gjermani 2024. Presidenti i Federatës së Futbollit në Kosovë, Agim Ademi ka rënë në prangat e Policisë së Prishtinës mesditën e të mërkurës. Ndaj Ademit rëndojnë akuzat për shpërdorim detyre dhe shmangie të taksave, dhe kreu I FFk-së do të qëndrojë në qeli për të paktën 48 orë, deri në marrjen e masës paraprake nga gjykata e Prishtinës. Kreu i FFK-së u thirr të martën për një dëshmi, ndërsa të mërkurën u kërkua arrestimi i tij, teksa vlen të theksohet se sistemi i drejtësisë në Kosovë, për akuzat ndaj Ademit parashikon dënim me gjobë dhe burg nga 3 muaj deri në 8 vite.