Një shpërthim tritoli ka tronditur mëngjesin e së martës Vaun e Dejës. Makina e kryetarit të PD në këtë degë, Benard Ndreca, është hedhur në erë me eksploziv, por fatmirësisht nuk pa viktima. Ngjarja ka ndodhur rreth ores 07:00 të mëngjesit të së martës, kur Ndreca ka ndezur makinën. Sipas Ndrecës, pasi ka ndezur makinën dhe ka future marshin e parë për të lëvizur automjetin, ka shpërthyer lënda plasëse, por që fatmirësisht ka shpëtuar pa lëndime. PAraprakisht dyshohet se sasia e tritolit të ketë qenë vendosur në gomën e parë të automjetit në krahun e djathtë të saj. Shpërthimi ka shkaktuar dëmtime të automjetit, por fatmirësisht pa lëndime në njerëz, ndonëse vetëm pak minuta më pas në vendin e parë të pasagjerit, do të ulej e ëma e Ndrecës. Top News kontaktoi me Ndrecën, I cili u shpreh se nuk ka asnjë konflikt as personal e as familjarë dhe nuk di se kush mund ta ketë vënë eksplozivin. Sipas tij, dyshimet I ka se ngjarja ka ndodhur për shkaqe politike, por nuk ka asnjë emër të dyshuar.