Shefi i Seksionit për Hetimin e Krimeve në Komisariatin e Policisë Shkodër Pëllumb Shpati, u kërcënua me një sasi tritoli në orët e para të mëngjesit të së premtes. Incidenti u shënua rreth orës 03.50 në lagjen Dobrac të Shkodrës, ku një sasi lënde plasëse shpërtheu përpara banesës së familjes Shpati, duke shkaktuar dëme të konsidrueshme materiale. Fatmirëisht nga shpërthimi nuk është raportuar për të lënduar, por vetëm për dëmtime në banesën e policit, si dhe në automjetin e këtij të fundit.