Shoqata e Transportit Nderqytetas dhe Rrethqytetas i Udhetareve ka paralajmëruar protestë ditën e mërkurë para Ministrisë së Infrastrukturës dhe Energjisë. Ne nje njoftim shperndare ne faqen zyrtare ne rrjetet sociale, thuhet se punonjësit do të kërkojnë pagën per ditet qe nuk jane ne pune, pas shtyrjes se hapjes se transportit publik me nje jave, si dhe hapjen e transportit publik. “Vendimi i strukturave shtetërore për shtyrjen me 1 javë të hapjes së transportit publik prek në mënyrë të drejtpërdrejtë të punësuarit në këtë sektor dhe familjet e tyre, për të cilat duhet të akordohet një pagë shtesë. Ju bëjmë me dije që kjo kërkesë është bashkëngjitur kërkesave tona për rifillimin e shërbimit”, thuhet në njoftimin e Shoqatës së Transportit. Vendimi per shtyrjen e rifillimit te punes te transportit publik u mor nga komiteti teknik i eksperteve fundjaven e kaluar pas shtimit te numrit te infektuarve me koronavirus. Me heret shoqata e transporteve ka protestuar per kushtet e vendosura nga komiteti teknik i eksperteve, per menyren sesi do te funksionoje transporti publik kur te rifilloje punen.