Këtë të shtunë, në një kantier ndërtimi në fshatin Palasë në Himarë është regjistruar një aksident tragjik, ku një punëtor ka humbur jetën. Ngjarja ka ndodhur kur shtetasi E. P., 26 vjeç, duke kryer manovra me mjetin fadromë, ka aksidentuar shtetasin K. H., 45 vjeç, i cili ishte gjithashtu punëtor në të njëjtin kantier, për pasojë, shtetasi K. H. ka pësuar dëmtime të rënda dhe ka ndërruar jetë gjatë transportit për në spitalin e Vlorës. Policia e Himarës ka shoqëruar menjëherë shtetasin E. P. për hetime të mëtejshme, ndërkohë që grupi hetimor ka nisur punën për të zbardhur të plotë ngjarjen dhe për të dokumentuar rrethanat e aksidentit.