Ekspetiza e re bullgare ka njerrë në pah detaje të reja rreth ngjarjes së rëndë në Bullgari, ku mbetën të vdekur 45 persona dhe 7 të tjerë u plagosën. Sipas ekspertizës, bankinat në vendpushimet e autostradës Struma, ku u regjistrua ngjarja e rëndë kanë qenë të vendosura gabimisht. Instituti për Siguri Rrugore ka autorizuar një auditor ndërkombëtar, në mënyrë të tillë që të kryejë një ekspertizë të paanshme për të zbuluar shkakun e vërtetë që coi drejt kësaj tragjedie të rëndë. Ky raport i është dorëzuar Prokurorisë në Sofje, për të nxjerr në pah detaje të reja që mund të ndihmojnë hetimin për zbardhjen e rastit tragjik të autobusit në Bullgari. Nga Prokuroria Publike në Shkup, nuk jepen detaje nëse janë marrë apo jo në pyetje dy shoferët e autobuzëve të tjerë që ishin në udhëtim bashkë me autobusin që mori flakë. As udhëtarët e autobusëve të tjerë nuk janë marrë në pyetje. E ndërsa hetimet për të zbardhur këtë mister vazhdojnë, të premten në mëngjes në aeroportin e Shkupit pritet që të sillen 45 trupat e pajetë, që do të tërhiqen nga familjarët për të kryer ceremonitë mortore. Ambasadori i Bullgarisë në vend Angel Angelov, u shpreh se Bullgaria ka siguruar dy aeroplan ushtarak për të transportuar 45 viktimat e tragjedisë.