Policia e Lezhës ka shpallur në kërkim një 52 vjeçar, i cili mbante detyrën e drejtuesit teknik në firmën ndërtuese ku ndodhi aksidenti i rëndë në Kune të Shëngjin. Ngjarja ndodhi gjatë punimeve në një pallat në ndërtim, ku punëtori Anton Zefi dyshohet se ka rënë nga lartësia e vendit ku po vendosej ashensori, dhe për pasojë ka ndërruar jetë në vend. Sipas njoftimit të policisë ndaj tij rëndojnë akuzat për shkelja e rregullave të mbrojtjes në punë dhe punësimi i paligjshëm, pasi gjatë punimeve në një objekt ndërtimi ka humbur jetën punëtori Anton Zefi. Specialistët për Hetimin e Krimeve të Komisariatit të Policisë Lezhë, në bashkëpunim me Prokurorinë, po vijojnë hetimet për zbardhjen e plotë të rrethanave të ngjarjes së rëndë.