Identifikohet 20-vjeçari shqiptar që u gjet i pajetë në një banesë në Itali. Mediat italiane raportojnë se bëhet fjalë për shtetasin Enriko Aliaj. I riu është qëlluar me armë zjarri brenda banesës së tij në Ponte dell’Olio, në provincën e Piacenza mbrëmjen e së premtes të 2 qershorit. Pavarësisht ndërhyrjes së shpejtë, 20-vjeçari shqiptar nuk arriti të mbijetonte, duke humbur jetën kështu gjatë gjatë transportimit për në spital . Ndërkohë, i dyshuari për vrasje është vëllai i viktimës 18-vjeçar, i cili jetonte me të së bashku me prindërit dhe një motër më të vogël. Ndonëse ende nuk dihen motivet, policia po heton për një ngjarje me dashje, por nuk përjashton dhe aksidentin tragjik. Prokuroria Publike e Piacenzas ka hapur dosjen e vrasjes në lidhje me vdekjen e 20-vjeçarit Aliaj. Në shtëpi në atë moment, përveç viktimës dhe vëllait të tij, ndodhej edhe një person i tretë, mik i dy të rinjve, i cili fillimisht është larguar por më pas është identifikuar nga karabinierët e Piacenza-s që po hetojnë rastin. Në orët e vona, autoritetet policore ishin njoftuar për të shtëna dhe zhurma të pazakonta në banesën e të riut. Mësohet se në banesë ishte dhe një burrë tjetër, i cili u ngujua aty kur mbërriti policia dhe doli vetëm në orët e vona të mbrëmjes. . Efektivët e kanë shoqëruar dhe tashmë ndodhet në paraburgim. Autoritetet policore italiane janë duke vijuar punën për të zbuluar arsyet e një krimi të mundshëm dhe për të hedhur dritë mbi misterin që çoi në marrjen e jetës të një 20-vjeçari shqiptar.