Një ngjarje e rëndë u shënua mesditën e kësaj të mërkurë në qytetin e Durrësit. Një vajzë e moshës 21 vjec e identifikuar me iniciaelet D.M, humbi jetën pasi ra nga kati i katërt i pallatit ku apo po qëndronte. Ngjarja fatale u shënua rreth orës 11.30 minuta në lagjen nr. 13, në zonën e plazhit dhe paraprakisht dyshohet se rënia nga kati i katërt ka qenë aksidentale. Ndonëse policia dhe ambulanca u njoftuan nga banorë të zones për cështjen në fjalë, ndërhyrja e tyre ishte e kotë, pasi 21 vjecarja kishte ndërruar jetë. Motivet janë ende të paqarta, ndërsa grupi i hetimit ka nisur punën për të kuptuar se si ndodhi ngjarja e rëndë, e cila momentalisht dyshohet se ka qenë aksidentale. Prej pak ditësh viktima kishte ardhur tek vajza e xhaxhait në Durrës për të bërë plazh dhe nuk ka ndonjë informacion për gjendjen e saj emocionale të kohëve të fundit. Përvec rënies aksidentale, policia po heton edhe për një vetëvrasje të mundshme.