Vijojnë goditjet e njëpasnjëshme në kuadër të operacionit policor "Perimetri". Goditen tre raste të tjera të veprimtarisë kriminale të dhënies ndihmë shtetasve të huaj për kalim të paligjshëm të kufirit, kundrejt shpërblimit. Policia ka vënë në pranga 4 shtetas dhe ka shpallur një tjetër shpallet në kërkim, pasi po transportonin 12 emigrantë të paligjshëm, kundrejt shpërblimit iu kishin premtuar kalimin drejt vendeve të BE-së. Konkretisht një 35 vjeçar dhe një 38 vjeçar, banues në fshatin Mjekës, Elbasan, u arrestuan se janë kapur në aksin rrugor Maliq-Lozhan, duke transportuar në drejtim të Tiranës me mjetet tip "Audi" dhe "Benz", 3 emigrantë të paligjshëm. Ndërsa në dalje të qytetit të Pogradecit u kapën një 30 vjeçar dhe një 25 vjeçar, banues në Tiranë, që po transportonin me mjetin tip "Volkswagen" 4 emigrantë klandestinë. Gjithashtu u shpall në kërkim një 26 vjeçar, banues në Elbasan, i cili pasi ka konstatuar se ishte vënë në ndjekje nga shërbimet e policisë, ka braktisur mjetin tip "Opel" në lagjen nr. 3, Pogradec, brenda të cilit u gjetën 5 emigrantë të paligjshëm.