Autoritetet bullgare, të mbështetura nga Europol dhe Eurojust, kanë arritur të çmontojnë një rrjet kriminal të përfshirë në trafikim të mallrave kulturore në të gjithë Evropën dhe më gjerë. Në operacion morën pjesë autoritete të zbatimit të ligjit dhe gjyqësore nga Shqipëria, Franca, Gjermania, Greqia, Italia dhe Mbretëria e Bashkuar. Opercioni çoi në arrestimin e 35 personave në Bullgari, u kontrolluan 131 shtëpi, automjete dhe kasaforta bankash. Autoritetet kanë sekuestruar mbi 3 000 objekte me vlerë mbi 100 milionë euro, vepra arti, armë, dokumente, pajisje elektronike, mbi 50 000 euro në para të gatshme dhe ar për investim.