Një rrjet që kontabandonte makina luksoze nga Bashkimi Europian drejt Maqedonisë së Veriut është goditur nga policia maqedonase. Kontrollet janë kryer gjatë kësaj të diele në disa vende të ndryshme si në Shkup, Negotinë, Dojran dhe Manastir. Radio Europa e Lirë raporton se deri më tani dyshohet se pjesë e këtij grupi trafikantësh janë të përfshirë 10 persona. Përmes një njoftimi prokuroria publike sqaron se personat e përfshirë në këtë aktivitet kri gjatë viteve 2021 dhe 2022, me dokumente false dhe me numra falsë, kanë futur në vend makina kontrabandë. “Ata i regjistronin automjetet këtu dhe një pjesë për disa herë dhe i kanë rishitur që ta fshehin kontrabandën, pas së cilës ua shitën përdoruesve të fundit”, shton më tej Prokuroria Publike në njoftimin e saj. Mes të dyshuarve, janë identifikuar edhe dy zyrtarë të shërbimeve administrative për regjistrimin e automjeteve, të cilët dyshohet se kanë marrë pjesë në falsifikimin e dokumenteve, si dhe fshehjen e mallrave që janë kontrabanduar.