Gjykata e Posaçme antikorrupsion vendosi të lë në fuqi masën e sigurimit “arrest me burg” për tre personat e arrestuar si pjesë e grupit kriminal që merrej me trafikim të lëndëve narkotike në shtetin francez. Po ashtu trupi gjykues konfirmoi kërkesën e SPAK për të marrë në pyetje tre të akuzuarit. Redjan Doda, që konsiderohet dhe si drejtues I grupit së bashku me Zabit Fisnikun dhe Fabi Isakun do të pyeten nga ana e hetuesve me qëllim identifikimin dhe të personave të tjerë me të cilët ata mund të kenë bashkëpunuar brenda territorit shqiptar për ushtrimin e këtij aktiviteti të jashtëligjshëm. Operacioni u zhvillua të hënën në bashkëpunim me autoritetet franceze. Në total u prangosën 19 persona, 16 prej të cilëve në Francë. Po ashtu u sekuestrua lëndë narkotike e llojit kokainë dhe heroinë me vlerë 1 milionë euro, si dhe disa llogari bankare, automjete dhe pasuri të tjerë të paluajtshme të krijuara nga ky aktivitet kriminal.