Shiu i meteorëve Geminid arrin kulmin gjatë natës mes të hënës dhe të martës – thotë NASA por fatin për të parë topthat e zjarrit të hyjnë në atmosferë do ta kenë vetëm ata që do të kenë qiej të hapur. Shiu i përvitshëm i meteorëve, dihet se ka mes 30 dhe 40 meteorëve në orë. “I mbushur me toptha zjarri ngjyrë të gjelbër, Geminids janë i vetmi shi meteorësh për të cilin unë do të sfidoja të ftohtin e një nate dhjetori për ta ndjekur”, tha Bill Cooke, nga NASA. Shiu i meteorëve është i famshëm për topthat plot shkëlqim dhe që bien ngadalë në qiell, të cilët mund të shihen lehtësisht nga vëzhguesit e qiellit. Sidoqoftë, këtë vit spektakli mund të jetë sfidues. Hëna do të jetë afro 80 për qind e shndritshme gjatë kulmit të fenomenit. Ndricimi i hënës, shpesh mund të bëjë që meteorët të mos dallohen në qiell. Sidoqoftë, NASA këshillon që momenti më i mirë për të parë shiun e meteorëve, është mëngjesi herët, për shkak se atëherë ndricimi i hënës nis të bjerë. Sidoqoftë, edhe pas këtij momenti kulmor, meteorët do të vazhdojnë të shihen në qiell, të paktën deri më 17 dhjetor.