Lozana, kryeqyteti i sporteve olimpike që sheh mbi liqenin e Gjenevës, është tronditur nga zbulimi se një pjesë e madhe e tokës së saj është e ndotur me lëndë toksike që kanë rrjedhur nga një incenerator i vjetër. Situata, që ka pasoja shqetësuese për fëmijët dhe ushqimet, është e paprecedenttë në zvicrën e pasur që krenohet me malet, liqenet dhe lëndinat e pastra të saj. Një impiant për djegien e mbeturinave në qytetin e katërt më të madh të vendit alpin, i mbyllur që në 2005, është fajësuar për rrjedhjen e dioksinës. Kjo e fundit, që i përket një klase të rrezikshme kimikatesh që njihen si ndotës të mëdhenj organikë, ka potencialin të jetë shumë toksike. Ato kanë treguar se prekin disa organe dhe sisteme të ndryshme.