Listat e hapura të sjella për herë të parë si risi në këto zgjedhje të përgjithshme parlamentare nxitën garën midis kandidatëve të subjekteve politike, si dhe lanë jashtë lojës politike emra të rëndësishëm dhe dominues në arenën politike. Në këto zgjedhje parlamentare grupit parlamentar të Partisë Socialiste i mungojnë në total 34 emra. Në qarkun e Tiranës Mimi Kodheli dhe Pandeli Majko të renditur jashtë listës së sigurt, nuk arritën të grumbullonin mjaftueshëm vota për të thyer herësin dhe për t’u përfshirë në listat e përfaqësuesve në kuvendin e 2021. Si pasojë ish ministrja e mbrojtes Mimi Kodheli dhe ish kryeministri Majko nuk kanë mundur të sigurojnë mandatin e deputetit. Në qarkun e Shkodrës, ish ministri i shëndetësisë, Ilir Beqaj nuk arriti të thyente herësin dhe për pasojë nuk do jetë pjesë e grupit parlamentar të Partisë Socialiste. Ndëkohë edhe ish deputetja Vasilika Hysi, ka dhënë dorëheqjen pak ditë para vulosjes dhe dorëzimit të lisatve të deputetëve në komisionin qëndror të zgjedhjeve. Emra të tjerë të njohur të politikës shqiptare si ish ministri i punëve të jashtme Ditmir Bushati, zëvëndës ministrja e punëve të brendshme në 2013, Elona Gjebrea, ish Ministrja e Zhvillimit Urban dhe Turizmit Eglanina Gjermeni dhe Anastas Angjeli nuk u përfshinë në listat paraprake të Partisë Socialiste.