Presidenti i Filipineve, Rodrigo Duterte ka rritur ndjeshëm presionin ndaj atyre që ngurrojnë të marrin vaksinën kundër koronavirusit, duke deklaruar madje se skeptikër duhët të vaksinohen në gjumë. Duke komentuar rritjen e rasteve me Covid-19 në Filipine, Duterte thotë se problemi janë ata që nuk duan të vaksinohen. “Kërkojini ata në fshatin tuaj, le të shkojmë tek ata kur të jenë në gjumë dhe t'i vaksinojmë që të mbarojmë punë. Nëse ata nuk duan, le të hyjnë brenda shtëpive të tyre kur bie nata dhe t'i vaksinojnë", tha Duterte në një fjalim për mediat të hënë.