Komisioni hetimor i sistemit tims, u njoh me dëshmitë e Ardi Veliut, ish drejtor i Agjencisë së Mbikëqyrjes Policore, Vlora Hysenit, drejtuese e SHISH dhe drejtorit të AMP, Florian Sulejmani. Veliu kërkoi që seanca të mbahej me dyer të mbyllura pasi të dhënat janë sensitive, kërkesë që nuk u prit mirë nga demokratët. Ardi Veliu: "Të dhënat janë sensitive, që kanë të bëjnë me të dhëna personale, aplikacione e sisteme të cilat në vlerësimin tim profesional është mirë të ruhet konfidencialiteti dhe të mos bëhen pjesë e opinionit publik. Mos bërja publike do i shërbejë forcimit të sigurisë kombëtare' Ervin Salianji: "Pse problem është bërja publike apo vjedhja e të dhënave. Ku ka ngelur gjë pa dalë në këtë shteti. Keni shkruar kërkesë për informacion Pas mungesës në seancën e kaluar, Vlora Hyseni u paraqit në seancën dëgjimore këtë të martë, ku nuk u lanë jashtë vëmendjes akuzat e kryetari Ervin Salianji, se drejtuesja e SHISH kishte qenë në Beograd.