Procesi i vaksinimit në vendin tonë ka shënuar një tjetër ulje të ndjeshme gjatë muajit nëntor. Nga të dhënat zyrtare, të përpiluara nga Zëri I Amerikës, bëhet me dije se në total janë kryer pak më shumë se 126 mijë vaksinime për dozë të parë apo të dytë, ose një mesatare ditore prej 4203 vaksinimesh. Nga këto, 2310 kanë qenë doza të dyta. Për rrjedhoje, mesatarisht, vetëm 1900 qytetarë në ditë, janë paraqitur për t’u vaksinuar rishtazi. Krahasuar me një muaj më parë, bëhet fjalë për një rënie prej afro 27 përqind. Kjo do të thotë që ka një humbje interesi nga ana e qytetarëve për të marrë dozën e parë. Kjo ndoshta sepse, është vënë re qe paravësisht nëse je apo jo I vaksinaur, transmetueshmëria e virusit në trupin e njeriut është e njëjta, ose e thënë ndryshe, një person nuk ka 100 përdind imunitet nga vaksina. Gjithsesi, vihet re që ka një përgjysmim të numrit të personave që paraqiten në qendrat shëndetëosre për të marrë dozën e vaksinës. Në muajt gusht dhe shtator, kur fillimisht vaksnimi u hap për të gjithë qytetaret, mesatarisht 8900 persona në ditë mernin një dozë vaksine. Ndërkohë, duket se ka një interesim më të lartë të atyre që janë vaksinuar dhe po bëjnë tani dozën e tretë. Gjatë muajit nëntor, kur u miratua dhe doza e tretë, atë e kanë marrë më shumë se 67 mijë qytetarë, ose mesatarisht mbi 2200 në ditë. Nga ana tjetër, ministrja e Shëndetësisë Ogerta Manastirliu këtë të mërkurë përsëriti thirrjen për vaksinim të popullatës, edhe nën dritën e shfaqjes së variantit të ri Omicron, i cili ka vënë në alarm shumë vende të botës.