Zëvendës Sekretari amerikan i Shtetit Stephen Biegun i bëri thirrje Minskut të lirojë të gjithë të burgosurit politikë. "Sigurisht që do të ishte tepër e padëshirueshme, por ne nuk kemi ndonjë tregues përtej disa komenteve publike që kemi dëgjuar," tha numri dy i diplomacisë amerikane në kryeqytetin e Lituanisë Vilnius, pas një takimi me udhëheqësen e opozitës bjelloruse, Sviatlana Tskikhanouskaya duke iu referuar raporteve për mangësi serioze në zgjedhjet presidenciale të 9 gushtit dhe sulmet e policisë e shkeljet e të drejtave të njeriut që pasuan. Vizita e Biegun në Lituani, e cila ka kufij të përbashkët me Bjellorusinë, sinjalizon një rol më të madh amerikan në përpjekjet për të zgjidhur krizën që filloi kur Presidenti bjellorus Aleksandër Lukashenko goditi protestuesit paqësorë, të cilët hodhën poshtë pretendimin e tij se i kishte fituar zgjedhjet me shumicë dërrmuese. Biegun do të shkojë të martën në Moskë, ku do të zhvillojë bisedime me zyrtarë të lartë rusë për krizën në Bjellorusi, kontrollin e armëve dhe Korenë e Veriut, deklaroi ambasadori amerikan në Rusi, John Sullivan. Të djelën, dhjetëra mijëra vetë protestuan në Minsk kundër rizgjedhjes së Aleyksandr Lukashenkos në postin e presidentit, por edhe për të dënuar shtypjen e protestave nga autoritetet. Kjo ishtë dita e 15-të me radhë që në Bjellorusi zhvillohen protesta kundër presidentit.