Ditë të vështira për Italinë. 5 rajonet e Italisë së Veriut po përballen me një krizë nga më të vështirat, atë të mungesës së ujit. Kjo ka bërë që qeveria italiane te marri masa drastike për qytetarët e saj dhe nder to një fond prej 36.5 mln euro për të trajtuar mungesën e ujit. Situata është ndikuar nga moti i pazakontë i nxehtë dhe reshjet e pakta gjatë dimrit dhe pranverës të cilat kanë shtuar mungesën e ujit në Italinë veriore. thatësira kërcënon më shumë se 30% të prodhimit bujqësor të Italisë. Disa komuna tashmë kanë shpallur racionimin e ujit. Fermerët në disa zona janë shprehur se uji i kripur i detit po depërton tani në lumë, duke shkatërruar të korrat.