Një zjarr i madh në Francën jugore të martën detyroi aeroportin e Marsejës të mbyllet. Po ashtu edhe hekurudha u paralizua nga flakët që u përhapën me shpejtësi në periferi të qytetit. Disa vatra zjarri të mëdha kanë përfshirë Francën jugore gjatë ditëve të fundit duke u përhapur me shpejtësi si pasojë e erës së fortë, tatësirës por dhe temperaturave të larta. Shkencëtarët thonë se ndryshimi i klimës i shkaktuar nga njeriu po rrit intensitetin, kohëzgjatjen dhe frekuencën e nxehtësisë ekstreme që nxit zjarret në pyje. më shumë se 700 hektarë me pyje janë shkrumbuar deri tani nga flakët. ndërkohë re të mëdha tymi kanë përfshirë qiellin duke detyruar aeroportin të abulonte të paktën 10 fluturime e të mbyllte pistat. Uebsajti i aeroportit njoftoi se nga vendimi u prekën nisjet drejt Brukselit, Mynihut dhe Napolit. Një numër i madh udhëtarësh u detyruan të zgjedhin rrugë alternative pasi edhe hekurudha u bllokua. të gjitha linjat e trenave për në Marsejë u anuluan. Kryebashkiaku i Marsejës, Benoit Payan, paralajmëroi banorët se zjarri tani ishte “në prag të Marsejës”, duke kërkuar prej të gjithëve të të bëjnë kujdes dhe të mos panikoesen pasi autoritetet janë duke bërë detyrën.