Lumi më i rëndësishëm në Gjermani po thahet ndërsa evropa po përballet me një thatësirë që me gjasë do të bëhet më e rënda në 500 vite, ndërkohë që zjarre të frikshme po djegin sërish Francën. Niveli i ujit në lumin Rin, nga ku transportohen 80 për qind e mallrave në gjermani, është tani aq i ulët sa që mund të bëhet i pakalueshëm për anijet më vonë gjatë javës, duke ndërprerë kështu trajektoret jetësore të furnizimit me naftë dhe qymyr. Niveli i ujit në Rin është më i ulët tani se sa në të njëjtën kohë në 2018-ën, kur evropa u përball me thatësirën më të madhe të saj. Atë vit, lumi mbeti i mbyllur për transportin e mallrave për 132 ditë, duke shkaktuar për pak një recesion. Kostoja e transportit të mallrave përmes lumit këtë vit është rritur tashmë afro pesë herë më shumë ndërsa anijet kufizojnë ngarkesën për të qëndruar mbi ujë.