Një tërmet i fuqishëm raportohet se ka ndezur edhe një alarm për tsunami në Kretë me njerëzit që janë këshilluar të qëndrojnë larg brigjeve vetëm pak javë pasi një dridhje toke la me qindra njerëz të pastrehë. Dëshmitarët raportuan se ndjenë një dridhje të fortë ndërsa tërmeti me manjitudë 6.3 goditi ishullin grek të pushimeve duke bërë që një kishë të shembej. Qendra evropiane sizmiologjike, regjistroi epiqendrën e tërmetit 49 km në jug lindje të portit Sitia. Një banor në qytezën Analipsi, shkruante për EMSC: Dridhje masive toke. E gjithë shtëpia u lëkund nga njëra anë në tjetrën për të paktën 15 cm. zgjati rreth 20 sekonda. Sipas agjencisë, tërmeti u regjistrua në një thellësi prej 10 km. Sizmiologu grek Gerasimos Papadoupoulos tha se ishulli ishte goditur edhe nga një tsunami pas tërmetit të madh. Ai i bëri apel njerëzve të largohen nga zonat bregdetare. “Një tsunami i vogël është krijuar në kretën jugore. Largohuni nga brigjet” – tha ai. Instituti gjeodinamik në athinë raportoi se tërmeti kishte ndodhur nën det në afërsi të brigjeve lindore të ishullit në orën 12.24 minuta sipas orës lokale. Paslëkundje me manjitudë 4.1 dhe 4.5 u regjistruan disa minuta më vonë. Nuk ka për momentin një bilanc të plotë të dëmeve dhe as për të lënduar. Policia dhe zjarrfikësit po kontrollojnë ndërtesat në kretën lindore për dëme. Tërmeti u ndje edhe në ishujt grekë në lindje të kretës, përfshirë Karpathos, Kasos dhe Rod.