Kuvendi është tërhequr nga vendimi që ky institucion mbyllte dyert për gazetarët, duke mos i lejuar këta të fundit më marrin pjesë në ndjekjen fizike të mbledhjeve të komisioneve. Vendimi I byrose parlamentare I marrë rreth një muaj më parë solli dhe reagimin e fortë të gazetarëve, të cilët e kundërshtuan duke protestuar para selisë së Kuvendit gjatë zhvillimit të një prej seancave plenare. Pas protestës dhe reagimeve të forta të Unionit të Gazetarëve forta dhe BE, Kuvendi është tërhequr dhe lejon që gazetarët dhe kamerat të futen në komisionet parlamentare. Kreu i Kuvendit, Gramoz Ruçi ka firmosur dokumentin, ku theksohet se janë pranuar 5 kërkesat e gazetarëve. “Lidhur me kërkesën për lejimin e prezencës fizike të gazetarëve në komisionet parlamentare si dhe lejimin e përdorimit të aparateve celularë në ambientetet e komisioneve nga ana e tyre, kjo kërkesë merret në konsideratë, duke u mundësuar atyre aksesin e plotë të çdo informacioni, përtej asaj që mundëson sistemi,”–shkruhet ndër të tjera në vendim.