Trupat e natos kanë filluar të largohen nga afganistani. Konfirmimi ka ardhur përmes një deklarate zyrtare. “Aleatët e NATO-s kanë vendosur në mes të prillit të fillojnë kthimin e forcave të misionit mbështetës – thuhet në deklaratë – dhe kthimi tashmë ka nisur. Kthimi nga afganistani do të jetë një proces i koordinuar – thuhet në deklaratë. Siguria e trupave do të jetë një prioritet absolut në cdo fazë të programit dhe po adoptojnë të gjitha masat e nevojshme për të mbajtur personelin të sigurt. Për këtë qëllim nuk do të jepen detajet operative, përfshirë numrin e trupave apo kohën e tërheqjes së cdo vendi. Cdo sulm i talebanëve gjatë tërheqjes do të marrë një përgjigje energjike. Kemi në program të përfundojmë tërheqjen tonë brenda pak muajsh”, përfundon deklarata. Edhe shtëpia e bardhë ka konfirmuar se tërheqja e ushtarëve amerikanë nga afganistani ka filluar zyrtarisht. Një zëdhënëse e shtëpisë së bardhë tha për gazetarët se tërheqja ka nisur dhe do të përfundojë sipas programit deri më 11 shtator 2020. E ndërkohë që tërheqja e trupave tashmë ka nisur, në Afganistan është rritur dhuna. Më shumë se 100 ushtarë afganë janë vrarë gjatë dy javëve të fundit në klimën e një shtimi të sulmeve talebane pas njoftimit të Uashingtonit se do të tërheqë të gjitha trupat. Zyrtarë të lartë afganë thonë se talibanët po bëjnë një demonstrim force dhe po përpiqen të fitojnë territor tani që forcat e huaja po tërhiqen. Që nga njoftimi, dhuna është rritur me gati një të katërtën në të gjithë vendin, me sulme talebane të raportuara në 21 nga 34 provinca, tha një zëdhënës i Ministrisë afgane të Mbrojtjes. Pamjet: AFP