Me shumë gjasa, rusia u tërhoq nga Ishulli i Gjarprit për shkak të izolimit të trupave të saj atje dhe për shkak të një vulnerabiliteti të shtuar përballë sulmeve ukrainase dhe ky nuk është një xhest i vullnetit të mirë, ashtu sic Moska pretendon – tha ministria britanike e Mbrojtjes. Në buletinin më të fundit të saj, ministria britanike thotë se javët e shkuara forcat ukraianse kanë sulmuar trupat ruse duke përdorur raketa dhe dronë. Raketat anti anije kanë patur në shënjestër madje edhe anijet ushtarake të rusisë që përpiqeshin të dërgonin furnizime në ishull. Të enjten, ministria ruse e mbrojtjes tha se forcat e saj u tërhoqën nga ishulli i gjarprit si shenjë e vullnetit të mirë, një pretendim ky që Ukraina e ka hedhur poshtë. Rusia e mori nën kontroll ishullin me rëndësi strategjike më 24 shkurt, në ditën e parë të pushtimit të Ukrainës. Ishulli u bë i famshëm për shkak të episodit të regjistruar atje kur luftanija ruse tashmë e fundosur, Moskva, i kërkoi mbrojtësve ukrainas të dorëzoheshin. Përgjigjia e tyre u bë epike-Luftanije ruse, shko në djall!