Hija e "Luftës së Tretë Botërore" është shfaqur që nga shkurti 2022, kur Rusia sulmoi Ukrainën. Që atëherë, përshkallëzimi i tensioneve me Perëndimin, që kulmoi me avionët dhe dronët rusë që pushtuan qiellin e vendeve të NATO-s: Estoni, Poloni, Norvegji dhe Danimarkë, ka nxitur makthin e një konflikti të afërt global. Aq sa një teori konspiracioni ka shpërthyer në mediat sociale, duke përfshirë një datë fillimi të luftës: 3 nëntor 2025. Gjithcka nisi me një intervistë për Daily Mail të ish-komandantit të NATO-s për Evropën, Richard Shirreff, në të cilën gjenerali shpjegoi se si Moska ka kapacitetin të mposhtë kontinentin evropian në vetëm pesë ditë. Për ta demonstruar këtë, ai zhvilloi një skenar katastrofik bazuar në një periudhë të rastësishme pesë-ditore; 3-7 nëntor 2025, me një afat kohor të asaj që mund të ndodhte orë pas ore. Në këtë skenar fiktiv, Rusia do të sulmonte Evropën, duke filluar me vendet baltike, dhe më pas do të kalonte në pjesën tjetër të kontinentit evropian, i cili do të dorëzohej në vetëm 100 orë.