Burime nga Qëndra Spitalore Universitare kanë konfirmuar se fëmija i mitur i një prej prokuroreve të anatemuar, ditët e fundit ka tentuar të vetëvritet , mbrëmjen e së martës. Bëhet fjalë për fëmijën e mitur të një prokuroreve, e cila ka qenë në qendër të diskutimeve ditët e fundit, duke u anatemuar edhe nga disa ambasadorë të akredituar në Tiranë. Stafi mjekësor i Qëndrës Spitalore Universitare të Tiranës ka dhënë gjithë trajtimin e nevojshëm mjekësor. Burimet bëjnë me dije se tashmë fëmija është jashtë rrezikut për jetën dhe në gjendje të mirë shëndetësore. Ky rast ngre kambanën e alarmit për presionin e madh që ushtrohet mbi njerëzit e drejtësisë si dhe dramat familjare që shkakton pikërisht tensioni i opinionit publik. Komentet , reagimet e qytetarëve apo edhe faktorë të tjerë bëhen pikënisja e trysnisë që pësojnë familjarët e prokurorëve, të cilët janë në qendër të vëmendjes.