Gjykata e Posaçme për korrupsionin dhe krimin e organizaur ka dhënë dënimin për nëntë zyrtarët dhe ish zyrtarët e ministrisë së brendshme, emrat e të cilëve janë implikuar në dosjen e tenderit të uniformave të policisë së shtetit. Ish drejoresha e Agjencisë së Blerjeve të Përqëndruara, Edlira Naqellari është dënuar me një vit burg. Flutura Çekrezi është dënuar me një vit heqje lirie, ndërsa me nga 10 muaj Kreshnik Bejkaj, Fatmir Demneri dhe Maringlen Buzali. Janë liruar me kusht Anisa Bogdani, Ani Omuri, Aurora Mulla, Klevis Hasani dhe Gëzim Mingaj. Gjykata vendosi që Klevis Hasani është i detyruar të kryejë 80 orë punë në interes publik dhe kjo punë duhet kryer brenda afatit prej 6 muajsh që nga dita e marrjes së vendimit formë të prerë. Zyrtarët e ministrisë e kanë të pamundur për të ushtruar funksione publike për një afat 5-vjeçar. Hetimet për tenderin e uniformave të policisë së shtetit nxorri në pah skemën abuzive, fatura e së cilës kapi shifrën e 2.8 miliardë lekëve. SPAK ka zbardhur gjithë korrespondencën e mbajtur nga Policia e Shtetit dhe Agjencia e Blerjeve të Përqendruara, ku ka rezultuar që gjatë procedures së tenderimit janë bërë ndryshime të specifikimeve teknike me qëllim përfitimi abuziv. Edlira Naqellari së bashku me funksionarët e tjerë të ministrisë, shkelën barazinë e tenderave, teksa rezulton se sipas përllogaritjeve një uniformë policie ka kapur vlerën e 2 mijë e 800 eurove, ndërsa vetëm kapelja 328 euro. Tenderi i uniformave është dhënë në kohën kur ministër i Brendshëm ishte Sandër Lleshaj, ndërsa abuzimi është kallëzuar në SPAK në vitin 2020. Gjykata e Posaçme për korrupsionin dhe krimin e organizaur ka dhënë dënimin për nëntë zyrtarët dhe ish zyrtarët e ministrisë së brendshme, emrat e të cilëve janë implikuar në dosjen e tenderit të uniformave të policisë së shtetit.