Prej pak ditësh zonat malore të vendit kanë qenë të mbuluara nga reshjet të dëborës, gjë që solli një sërë problematikash në disa aksë rrugore. Reshjet e shumta bën që disa rrugë të ishin të bllokuara duke krijuar kështu edhe një lloj kaosi të automjeteve të cilët përgjithsëisht u drejtohen këtyre zonave gjatë kësaj periudhe. Mirëpo, mesa duket zonat malore janë zgjuar këtë të hënë pa reshje dëborë por me ngricaz të shumta, duke bërë që temperatura mjedisore të zbresë deri në minus 10 gradë, të paktën kështu është raportuar në disa zopna të thella të Dibrës. Të izoluara plotësisht janë Njësia Administrative Lurë dhe Selishtë, disa fshatra të njësisë Sllovë, Kala e Dodës dhe Melan.Për shkak të kësaj situatë disa fshatrat dhe njësi administrative kanë patur mungesë të energjisë elektrike për 48 orë, për shkak të rrëzimit të shtyllave. Nga ana tjetër, në aksin kombëtar Peshkopi Burrel kalimi bëhet pa probleme, por gjithësesi duhet treguar kujdes. Në Aksin Peshkopi – Draj Reç – Kukës, kalimi bëhet vetëm me zinxhirë. Policia rrugore ka apelur të gjithë drejtuesit e mjeteve që të përdorin gomat e dimrit dhe mjete antirrëshqitëse.