Rrjeti i komunikimit 5G është më i shpejtë, me më pak vonesa dhe funksionon në më shumë pajisje, por nga ana tjetër paraqet rrezik për sigurinë. Kompanitë e internetit tashmë kanë filluar shpërndarjen nëpër botë të ofertave për gjeneratën 5G të internetit, por çfarë është në të vërtetë një rrjet I tillë? Gjenerata e fundit e internetit pa kabllo premton shpejtësi më të madhe dhe më pak vonesa, edhe kur shumë pajisje e përdorin atë në të njëjtën kohë, shpjegon VOA. Ajo besohet se do të përballojë numrin e madh të përdoruesve dhe trafikun e rënduar në Internet. Në të ardhmen, thuhet se mund lidhet me automjetet pa shofer dhe do të sjellë zhvillime të reja të realitetit virtual. Por analisti Ben Wood nga instituti kërkimor CCS Insight, thotë se në fakt 5G thjesht do të bëjë gjërat që bëjmë sot, por pak më mire, e jo mrekulli. Pra, ajo që mund të bësh në 4G dhe çfarë mund të bësh në internet do të përmirësohet sepse do të kesh shpejtësi më të madhe, kapacitet shumë më të madh, kjo është e gjitha. Nga ana tjetër, rrjeti 5G është një teknologji që ka ngjallur debate.Në fillim të vitit, disa teori konspirative e lidhën këtë rrjet e pandeminë e koronavirusit gjë që u bë shkak për sulme ndaj kullave 5G. Rrjeti ka tensionuar marrëdhëniet mes Shteteve të Bashkuara dhe Kinës.Në korrik, Britania tërhoqi planin për t'i dhënë Huawei-t një rol në rrjetin e ri të telefonave celularë me shpejtësi të lartë. Huawei mohon akuzat se 5G mund të përdoret nga spiunazhi kinez.