Nga dita në ditë shtohet numri i vendeve europiane, që premtojnë se do të arrestojnë presidentin rus, Vladimir Putin, nëse ai do të vizitojë ndonjë herë ato. Edhe pse kërcënimi është kryesisht simbolik, mbetet turpërues për Putinin, i cili gjithnjë e më shumë po trajtohet në Perëndim si një kriminel dhe jo si një udhëheqës kombëtar. Gjykata Ndërkombëtare Penale lëshoi një urdhër arresti për presidentin rus më 17 mars, duke e akuzuar atë për urdhërimin e rrëmbimit të fëmijëve në pjesët e okupuara të Ukrainës, çka përbën krim lufte.