Disa të shtëna me armë zjarri janë dëgjuar mesditën e së dielës në lagjen “Skënderbeg” në qytetin e Shkodrës. Burimet nga piolicia bënë të ditur se persona të paidentifikuar kanë qëlluar drejt një automjeti, i cili ishte në afërsi të spitalit Rajonal dhe drejtorisë së Zjarrfikësve. Policia njofton se shënjestra ishte një 30-vjeçar, i cili ndodhej pranë një pike karburanti kur erdhën të shtënat drejt automjetit që po drejtohej nga ai. menjehër pas ngjarjes u ngritën pika kontrolli në të gjitha hyrje-daljet e qytetit dhe po vijon krehja e zonës nga efektivët policorë të Shkodrës dhe Forcat e ndërhyrjes së shpejtë për kapjen e autorëve të dyshuar. Nga të shtënat me armë, nuk është lënduar asnjë person. Në vendngjarje grupi hetimor nën drejtimin e Prokurorisë së Shkodrës ka kryer veprimet paraprake dhe po vijon hetimin për sqarimin e rrethanave të kësaj ngjarje, sekuestrimin e çdo prove që do shërbejë për identifikimin e autorëve.