Një operacion i përbashkët i policisë së Dibrës me atë të Gjirokastrës çoi në arrestimin e dy vëllezërve binjakë, të dyshuar si të përfshirë në vrasjen e një shtetasi në vitin 2010 ndodhur në territorin e qarkut të Dibrës. Të arrestuarit janë 39-vjeçarët Kelmend dhe Klodjan Krusa. Ata u kapën në qytetin e Gjirokastrës, ndërsa gjatë operacionit iu sekuestruan në banesë edhe tre armë zjarri, municion luftarak, thikë dhe një maskë. Aksioni u ndërmor pasi policia e Dibrës ishte vënë në dijeni në rrugë operacionale se dy vëllezërit e kërkuar strehoheshin në një banesë në qytetin e Gjirokastrës. Ky informacion iu përcoll drejtorisë së policisë së Gjirokastrës, që finalizoi operacionin për arrestimin e tyre. Policia thotë se armët e sekuestruara do t’i nënshtrohen analizave të policisë shkencore për të verifikuar nëse janë përdorur në vrasjen e vitit 2018, apo nëëse janë përdorur në ngjarje të tjera kriminale.