Ëndërrat e shumë pensionistëve britanikë për të jetuar në Spanjë po errësohen nga një realitet i ri dhe rregulla tërësisht të reja. Ndërsa nga ana tjetër BE-ja dhe Britania po përpiqen të finalizojnë marrëveshjen lidhur me marrëdhëniet e tyre tregtare pas daljes së Britanisë nga blloku. Shumë britanikë të pensionuar zgjedhin Spanjën si destinacion pushimesh për vite me rradhë, e më vonë përfundojnë duke blerë shtëpi dhe në shumicën e rasteve zhvendosen përfundimisht atje. Por ppër shkak të Brexit, më pak britanikë janë raportuar të shkojnë në Spanjë. Por nëse nuk u përmbahen rregullave të reja të qëndrimit, britanikët e vendosur nw Spanjw rrezikojnë të humbasin sherbimet shëndetësore. Po ashtu, ata rrezikojnë përjashtimin nga fushata kombëtare e vaksinimit. Procedurat e reja doganore gjithashtu kanë sjellë vështirësi pasi shume artikuj ushqimorë, që ata porosisin në Britani nuk arrijnë në kohë, ose fare. Rreth 300 mijë britanikë janë regjistruar si banorë të përhershëm në Spanjë. Aktualisht, vetëm ata që sigurojnë një vizë qëndrimi, që shërben si një biletë e artë, do të lejohet të shijojnë pensionin atje. Pamjet: AFP