Një autobus që po transportonte të moshuar drejt një kazinoje u përplas me një kamion në një kryqëzim autostrade në një zonë rurale të provincës kanadeze të Manitobas, duke lënë të vdekur 15 persona dhe duke plagosur 10 të tjerë, tha policia. Rob Hill, komandant i policisë kanadeze në Manitoba, tha se autobusi po transportonte 25 persona. Dhjetë të mbijetuarit u dërguan në spitale. Pamjet televizive transmetuan imazhe të vendit të aksidentit ku shihej një autobus që digjej në në një kanal, pranë një kamioni transporti. Trotuari ishte i mbushur me mbetje nga përplasja dhe xhama të thyer. Kryeinspektori i policisë, Rob Lasson tha se "drejtuesit e autobusit dhe kamionit janë ende në jetë në spital". Ai nuk tha nëse ata ishin në mesin e 10 të lënduarve. Viktimat ndërkohë ishin kryesisht të moshuar. Aksidenti ndodhi në Karberri, një qytet 170 kilometra në perëndim të kryeqytetit të Manitobës, Uinipeg. “Ky është një lajm tragjik”, shkroi në Tëitter kryeministri kanadez Justin Trudeau duke shprehur ngushëllimet për familjet e viktimave. Flamujt janë ulur në gjysmë shtizë në rajonin e Manitobës.