Dy muaj pasi u sëmur me Covid-19, Julie pati halucinacionin e parë të saj. “Filloi ngadalë. Po përpiqesha të ndiqja një emision në televizion e më pas nuk mund të lexoja më fjalët në ekranin e telefonit tim. Gjërat u përkeqësuan më tej. E di që ngjan e çuditshme, nuk di as si ta përshkruaj, por dukej sikur diçka po pushtonte trurin dhe trupin tim”, thotë ajo. 36-vjeçarja nga Minnesota, u dërgua në spital nga familja. Kur ata i thanë mjekëve se ajo po shërohej nga Covid-i, ata thanë se ishte e mundshme që ky të ishte një efekt anësor por nuk kishin ndonjë trajtim për të sugjeruar. Dhe Julie nuk është e vetme. Efekte të ndryshme dhe afatgjata të Covid-it mbi shëndetin fizik po shfaqen e po ashtu edhe pasoja në shëndetin mendor.