Ukraina ka vendosur tanket e shkatërruara ruse dhe mjetet e tjera luftarake në rrugët e Kievit ndërkohë që vendi po përgatitet të shënojë ditën e pavarësisë, më 24 gusht. Ukrainasit, prej ditësh, ndërsa ecin në rrugën Kreshchatyk, në qendër të Kievit, mund të shohin mjetet e blinduara të luftës të shënjuar nga mortajat dhe pajisje të tjera të rënda, të vendosura në një vijë të gjatë. Banorët e Kievit thonë se ata e pëlqejnë praninë e këtyre armatimeve të shkatërruara ruse dhe se shpresojnë që kjo do të ngrejë akoma më shumë moralin e ukrainasve. Dita e pavarësisë së Ukrainës, që përkujton pavarësinë nga moska, 32 vite më parë, është të enjten, ekzaktësisht 18 muaj pasi Rusia nisi pushtimin e saj në shkallë të plotë të fqinjit jugor. Festa kombëtare e vendit, që do të kalojë me jo shumë pompozitet për shkak të luftës që vazhdon, vjen në një moment kyc për kievin, me kundërofensivën kundër forcave pushtuese ruse që po shënon progres të ngadaltë në lindje dhe në jug të vendit.