Presidenti amerikan Donald Trump tha se mund të takohet me homologun e tij ukrainas javën e ardhshme në Uashington. "Unë ndoshta do të takohem me Presidentin Zelensky javën e ardhshme dhe ndoshta do të flas edhe me Presidentin Vladimir Putin. Do të doja të shihja fundin e luftës", tha udhëheqësi amerikan gjatë një konference për shtyp me kryeministrin japonez Shigeru Ishiba. Trump u zotua të ulë Kievin dhe Moskën në tryezën e negociatave dhe t'i japë fund me shpejtësi luftës në shkallë të gjerë që po i afrohet tre vjetorit të saj. Ai tha gjithashtu se dëshiron të takohet me Putinin "shumë shpejt" pas inaugurimit të tij. Kremlini mirëpriti komentet e Trumpit, por shtoi se aktualisht nuk po përgatiteshin për takimin. Trump dhe Zelensky po diskutojnë ndërkohë edhe për mineralet e rralla në nëntokën e ukrainës dhe për "gjëra të tjera", sipas presidentit të SHBA.