Kina po zhvillon robotë të nënujshëm me inteligjencë artificiale që mund të fshihen në det dhe të sulmojnë mjete armike me torpodo, pa u drejtuar nga një njeri. Mjetet e nënujshme të pavarura janë zhvilluar në eksperimente përgjatë një dekade dhe ia kanë dalë mbanë me sukses të përdorin inteligjencën artificiale për të gjetur një nëndetëse dhe për ta sulmuar atë me një torpedo. Eksperimentet e kryera në ngushticën e tajvanit, kanë parë që këto mjete të dislokoheshin në një kurs të përcaktuar 9 metra nën sipërfaqe. Ato mund të identifikonin vendndodhjen e nëndetëses, të ndryshonin kurs, të fiksonin objektivin dhe më pas ta qëllonin atë. Mjetet përdorin sensorë zanorë në bord për të mbledhur të dhënat që analizohen nga një kompjuter i cili i ndihmon të përfundojnë misionin. Eksperimentet janë përshkruar në dokumenta të shkruar nga kërkuesit në universitetin e inxhinierisë në Harbin, në 2010-ën dhe u deklasifikuan javën e shkuar.