Moldavia është gdhirë nën sulmet e forcave ushtarake, që dyshohen të jetë ruse, por pse jo edhe ukrainase, përsa kohë askush prej dy vendeve nuk ka marrë përgjegjësinë e asaj që po ndodh. Shumë mund të mendojnë se Rusia duke qenë tashmë ushtarakisht në frontin e luftës në Ukrainë, po sulmon edhe Moldavinë, por nga ana tjetër mendohet të jetë edhe një provokim nga Kievi. Dhe kjo për të shtuar përgjegjësinë ndaj forcave ruse, në raport me qëndrimet e mëtejshme të perëndimit. Një sërë shpërthimesh dhe sulmesh me dronë janë raportuar në rajon në orët e para të së mërkurës. Mediat perëndimore raportojnë së sulmet janë kryer nga ushtria ruse dhe separatistët, në përpjekje për të gjetur një justifikim për të ndërhyrë në Moldavi, skenar që u ndoq edhe gjatë pushtimit të Ukrainës, por asnjë zë zyrtar nuk e ka pohuar me forcë këtë.