James Appathurai, i cili po përditëson një strategji të NATO-s për të gjurmuar dhe penguar të ashtuquajturën luftë hibride, tha se aleatët duhet të jenë më të qartë mes tyre por edhe me Moskën, se çfarë niveli armiqësish mund të shkaktojë një përgjigje aleate, duke përfshirë përdorimin e forcës ushtarake. Ai tha se 32 vendet anëtare të NATO-s ishin tashmë në një pikë "vlimi", me sulmet e dyshuara hibride ruse në të gjithë Evropën, Shtetet e Bashkuara dhe Kanadanë, që po arrijnë deri në një nivel që do të kishte qenë "krejtësisht i papranueshëm" pesë vjet më parë. Ka patur një rritje të ndjeshme të akteve të sabotazhit si prerja e kabllove jetike nënujore, sabotimi kundër ndërtesave dhe vendosja e pajisjeve ndezëse në ngarkesat e avionëve, që kur Rusia nisi pushtimin e Ukrainës në shkurt 2022. "Ne mund të numërojmë dhjetëra. Me siguri qindra. Por ka edhe shumë komplote të zbuluara dhe ndaluara", tha Appathurai. Ai nënvizoi se shtimi i sulmeve ishte një përgjigje nga Kremlini ndaj mbështetjes ushtarake perëndimore për Ukrainën, si dhe një besim se Perëndimi është kundër Rusisë, diçka që zyrtari tha se nuk është e vërtetë. I pyetur nëse ishte i shqetësuar se një sulm i dyshuar hibrid rus mund të kapërcente pragun që do ta shtynte NATO-n të reagonte duke aktivizuar nenin 5 të traktatit të aleancës, ku një sulm ndaj njërit anëtar konsiderohet si një sulm ndaj të gjithëve, Apathurai tha: Ajo që me të vërtetë më shqetëson është se një nga këto sulme, do të ketë pasoja të rënda. Ai vuri në dukje një përpjekje të Rusisë në vitin 2018 për të vrarë Sergei Skripal, një ish-agjent të dyfishtë rus, dhe vajzën e tij Yulia, në Salisbury duke përdorur agjentin kimik novichok, që mbante mjaftueshëm helm për të vrarë mijëra njerëz. "Ekziston një perspektivë reale që një nga këto sulme të shkaktojë një numër të konsiderueshëm viktimash ose dëme shumë të konsiderueshme ekonomike," tha Apathurai. “Dhe atëherë ajo që ne nuk duam është të jemi në një situatë ku nuk kemi menduar se çfarë do të bëjmë më pas”, tha ai. Ekipi i Appathurai po përditëson një strategji të NATO-s për të kuptuar, penguar dhe kundërshtuar luftën hibride, strategji që për herë të fundit është rishikuar në 2015 kur