Lideri i koresë së veriut, Kim jong un ka mbikqyrur një stërvitje në të cilën u simulua një kundrësulm bërthamor kundër SHBA dhe Koresë së Jugut, në një paralajmërim për aleatët që po intensifikojnë stërvitjet e tyre të përbashkëta ushtarake. Lajmi është dhënë nga media shtetërore koreanoveriore, KCNA. Stërvitja e vendit komunist, përfshinte edhe lëshimin e një rakete me rreze të shkurtër veprimi, e cila u lëshua nga një platformë e nëndhseshme, që analistët thonë se do të ndihmojë në rritjen e shpejtësisë dhe stabilitetit në testet e ardhshme të raketave balistike ndërkontinentale.