Agjencitë federale po hetojnë për të paktën dy incidente të mundshme në tokë amerikane, përfshirë një afër shtëpisë së bardhë në nëntor të vitit të kaluar, të ngjashme me sulmet misterioze dhe të padukshme që bënë që personel amerikan jashtë vendit ka pësuar më herët. Burime në dijeni të ngjarjes, kanë thënë për CNN se ndërsa pentagoni dhe agjenci të tjera që kanë hetuar rastin nuk kanë dalë në përfundime të qarta, fakti që një sulm i tillë ka ndodhur kaq pranë shtëpisë së bardhë, është vecanërisht alarmant. Zyrtarët e mbrojtjes informuan ligjvënësit në senat dhe në dhomën e përfaqësuesve më herët këtë muaj për sulmet, përfshirë incidentin afër shtëpisë së bardhë. Ai incident, që ndodhi afër elipsit, lëndina në anën jugore të shtëpisë së bardhë, bëri që të sëmurej një ish zyrtar i këhsillit të sigurisë kombëtare. Në një episod të ndarë në 2019, një zyrtar i shtëpisë së bardhë raportoi një sulm të ngjashëm ndërsa shëtiste qenin në një periferi të virxhinias, pranë uashingtonit. Personat e sëmurë kanë raportuar simptoma të ngjashme me ato të regjistruara më herët në kubë. Personel amerikan në havana kishte raportuar në fund të 2016, simptoma të pashpjegueshme që varionin nga probleme në vesh, marrje mendsh, dhimbje koke dhe të vjella. Pamejt: AFP