Recep Taip Erdogan u rizgjodh për një mandat të tretë pesëvjeçar në krye të Turqisë pas një garë të ngushtë me rivalin republikan, Kemal Kiliçdaroglu. Erdogan siguroi 2 milionë vota më shumë nga kundërshtari, që nuk arriti që në balotazhin e kësaj të diele të tërhiqte me vete votën e të pavendosurve dhe të atyre që nuk votuan më 14 maj. Sipas të dhënave paraprake nga komisioni zgjedhor turk, pjesëmarrja ishte rreth 85 për qind, nga 64 milionë turq me të drejtë vote.