Vazhdon të mbetet një prej pikëpytjeve kryesore të kësaj sëmundjeje, por së fundi ekspertët thonë se riinfektimi me koronavirus, nuk është thjesht spekullim. E përditshmja amerikane, The New York Times raportoi se disa hulumtues në Hong Kong kanë identifikuar atë që mund të konsiderohet zyrtarisht si personi i parë i infektuar për herë të dytë me koronavirus.“Një pacient i ri dhe I shëndetshëm u prek nga Covid 19 për të dytën herë brenda pas 4 muajsh e gjysmë nga diagnostikimi i parë”, thanë ata. Një zhvillim i tillë është mjaft shqetësues sepse lë të kuptohet se imuniteti ndaj koronavirusit mund të zgjasë vetëm disa muaj te një pjesë e popullsisë. Sipas hulumtuesve, 33-vjeçari ka pasur simptoma të lehta herën e parë kur u infektua, ndërsa herën e dytë nuk ka pasur asnjë problem. Madje e zbuloi fare rastësisht pas kthimit nga një udhëtim në Spanjë. Kjo nga njëra anë mund të jetë një shenjë e mirë që tregon se ndoshta rikthimi I sëmundjes tek ata që e kanë kaluar një herë, mund të jetë më I lehtë. Mjaft ekspertët e kanë thënë se dukë marrë parasysh që miliona njerëz janë infektuar deri tani nga koronavirusi, nuk është cudi që disa prej tyre të preken sërish nga sëmundja pas disa muajsh. Sipas të dhënave të Universitetit Johns Hopkins, 23,462,707 persona janë prekur nga sëmundja COVID-19, që shkakton koronavirusi.Prej tyre, 809,484 kanë vdekur.