Top News-Strategjia në përkrahje të ish-kryeministrit Berisha/Çfarë do të ndodhë në ditët në vijim?!

Zhurmës së krijuar dy ditët e fundit që lidhen me saktësinë e firmave në formularë, apo që janë firmosur nga delegatë duket se do i jepet një zgjidhje konkrete. Ndërkohë, selia e Partisë Demokratike është me lëvizje të shumta, sepse, vijon verifikimi i firmave të delegatëve të depozituara në zyrën e kryetarit të Këshillit Kombëtar të Partisë Demokratike Edi Paloka. Procesi i verifikimit po kryhet nga grupe të kryesisë së degëve. Këtë të premte ka qenë dega 7, një prej të cilave u verifikua edhe nga deputeti Agron Shehaj dhe pas verifikimit të bërë, ka publikuar edhe emrat e delegatëve që kanë firmosur dhe kanë qenë të gatshëm për publikimin e emrave të tyre.