Zvarritja e vazhdueshme e procesit gjyqësor ndaj Emiljano Shullazit dhe të arrestuarve të tjerë të grupit të tij ka vetëm një emër. Avokatë që mungojnë në seanca, apo tërheqja e tyre nga mbrojtja. Pikërisht kjo është arsyeja e vetme, që Gjykata e Apelit të marrë një vendim ekstrem. Përfundimisht, sipas Gjykatës së Apelit, procesi gjyqësor ndaj Shullazit do të vazhdojë gjykimin pa avokat mbrojtës. Por ky vendim prodhoi tension në sallë dhe braktisje të procesit nga të dënuarit. efekteeee Sipas gjykatës, Gilmando Dani e Blerim Shullazi kanë patur avokat në shkallë të parë dhe ata nuk duan të marrin në séance, si një strategji për të bllokuar procesin. Gjykata arsyeton se të pandehurit kanë mundësi ekonomike për të zgjedhur një mbrojtës dhe se avokatët e caktuar nga shteti nuk pranojnë që të marrin përsipër mbrojtjen e tyre për shumë arsye, mes të cilave mund të jetë edhe kërcënimi.