Ministria ruse e mbrojtjes njoftoi fillimin e tërheqjes së disa trupave pasi stërvitjet që ngritën alarmin në SHBA dhe Evropë, për një sulm të mundshëm ushtarak në Ukrainë, përfunduan. Kremlini ka mohuar në vazhdimësi planet për sulm. Njësi të distrikteve ushtarake perëndimore dhe jugore do të nisin të martën të kthehen në bazat e tyre të përhershme pasi përfunduan stërvitjet – shkruan agjencia e lajmeve Interfax duke cituar ministrinë e mbrojtjes në Moskë. SHBA dhe NATO kanë paralajmëruar se rusia ka mbledhur rreth 130 mijë trupa afër kufirit me Ukrainën, në përgatitje për një pushtim të mundshëm dhe kërkoi tërheqjen e tyre për uljen e tensioneve. Rusia ka hedhur poshtë akuzat ndërsa thotë se lëvizjet e forcave në territorin e saj është cështje e brendshme. Rusia po vazhdon sidoqoftë një pjesë të stërvitjeve më të mëdha në vite të tëra në bjellorusinë fqinje që duhet të përfundojnë më 20 shkurt. Presidenti rus Vladimir Putin ka kërkuar që SHBA dhe aleatët të japin garanci sigurie, përfshirë një ndalim të zgjerimit të mëtejshëm të aleancës së NATO-s në lindje. Uashingtoni dhe aleanca ka refuzuar kërkesat e tij por kanë ofruar bisedime mbi cështje të tjera sigurie përfshirë edhe kufizimet e raketave dhe masa për të ndërtuar besimin. Ministri i jashtëm Rus, Sergei Lavrov i cilësoi këto propozime si konstruktive në një takim me putinin të hënën, kur ai rekomandoi vazhdomin e biseidmeve me perëndimin.